Жамшид Ўроқов Саратов вилояти Савдо-саноат палатаси иттифоқи президенти А.Антонов билан учрашди
Саратов вилояти ишбилармонлари Ўзбекистон билан ҳамкорликни йўлга қўйишдан манфаатдор бўлган иш берувчилар билан учрашув ташкил этди. Тадбирда Саратов вилояти ҳукумати ва ишбилармон доираларнинг 20 дан ортиқ вакиллари қатнашди.
Иштирокчиларга Ўзбекистоннинг меҳнат миграцияси соҳасида олиб борилаётган тизимли ишлар, бу борадаги Давлат раҳбарининг сиёсати тўғрисида маълумот берилди. Иш берувчиларга ишчи кучини жалб қилишни ташкил этиш бўйича Самарқанд вилояти ҳокимлиги ва Қозон шаҳридаги Бош консуллиги ўртасида тўғридан-тўғри алоқалар ўрнатиш таклифи билдирилди.
Агрия (қишлоқ xўжалиги), Дверфь (эшиклар), Энергомашэкспорт (металл) ва бошқа қатор компаниялар Ўзбекистондан ишчи кучи жалб қилишга қизиқиш билдирилди.
