Жанубий Кореянинг собиқ бош вазири 23 йилга қамалди

Сеул марказий туман суди Жанубий Кореянинг собиқ бош вазири Хан Док Суни 23 йил муддатга озодликдан маҳрум қилди. У 2024 йилда жорий этилган ҳарбий ҳолат билан боғлиқ равишда конституцион тузумга қарши исёнда иштирок этган.

Терговга кўра, Хан Док Су исён раҳбари сифатида қаралаётган собиқ президент Юн Сок Ёлга ёрдам берган, исёнда муҳим роль ўйнаган ва ёлғон гувоҳлик берган. Прокуратура уни 15 йилга озодликдан маҳрум этишни сўраган эди.

Эслатиб ўтамиз, Юн Сок Ёль 2024 йил декабрь ойида ҳарбий ҳолат эълон қилган, аммо парламент бу қарорни бекор қилган. Натижада у лавозимидан четлатилиб, исён иши бўйича жавобгар сифатида жиноят иши очилган. Ушбу иш доирасида собиқ президент беш йилга озодликдан маҳрум этилди, ўлим жазоси таҳдиди ҳам сақланиб қолмоқда.