Суд Жанубий Корея президентини ҳибсга олиш учун ордер берди
Жанубий Корея президенти Юн Сок Ёлнинг ваколатлари 14 декабрь куни парламентда ўтказилган импичмент натижасида тўхтатилди.
- Мамлакатнинг юқори мансабдор шахсларни коррупцияга қарши тергов қилиш бошқармаси тасдиқлайдики, 31 декабрь куни ҳибсга олиш ва тинтув қилиш учун ордер чиқарилган, бу бўйича идора Юн Сок Ёлга нисбатан ариза берган, - дейилади ушбу бошқарма хабарида. Қўшимча қилинишича, кейинги ҳаракатлар бўйича қарор қабул қилинмаган.
Yonhap ахборот агентлиги "ордердан тез орада фойдаланиш" мумкинлиги ҳақида ёзмоқда. Бу мамлакат тарихида биринчи марта амалдаги президентни ҳибсга олиш ордери чиқарилганидан далолат беради. Юн Сок Ёлнинг ваколатлари Конституциявий суд қароригача тўхтатилди.
29 декабрь куни Юн Сок-Ёль учинчи марта исён иши бўйича Коррупцияга қарши кураш бошқармасига сўроққа келмади. Юридик амалиётга кўра, учинчи чақирув ҳибсга олиш учун ариза беришдан олдин охирги ҳисобланади. Кеча Юн Сок Ёлнинг адвокати бошқарма гумон қилинаётган исённи текширишга ҳақи йўқлигини таъкидлади.
30 декабрь куни Қўшма тергов гуруҳи Сеул судига Юн Сок Ёлни ҳибсга олиш учун ордер сўраб мурожаат қилган. Қўшма тергов гуруҳи таркибига бошқарма, полиция ва мудофаа вазирлиги вакиллари киради, улар президентнинг ҳарбий ҳолат жорий этиши билан боғлиқ ҳолатларни ўрганиб, уни шу муносабат билан исён уюштирганликда гумон қилмоқда. Жанубий Корея қонунчилиги амалдаги президентни исён ёки хиёнат учун жиноий жавобгарликка тортишга рухсат беради.
Эслатиб ўтамиз, 14 декабрь куни Жанубий Корея парламентининг 300 нафар аъзосидан 204 нафари Юн Сок Ёлни президентликдан четлаштириш учун овоз берган эди. Бунга унинг мамлакатда ҳарбий ҳолат жорий этиши сабаб бўлган.
