Кеча рўй берган ЙТҲда ҳеч ким жароҳатланмаган
Кеча, 4 февраль куни соат 19:00 лар атрофида Самарқанд шаҳар Мирзо Улуғбек ва Абдураҳмон Жомий кўчалари чорраҳасида Б.М.га тегишли бўлган “Лассети” русумли автомашина ва О.Б. бошқарувидаги “Спарк” русумли транспорт воситалари ўртасида тўқнашув содир бўлган.
Тўқнашув оқибатида транспорт воситаларига моддий зарар етказилган. Тан жароҳати олганлар йўқ. Мазкур ҳолат юзасидан Самарқанд шаҳри бўйича ИИО ФМБ ЙҲХБ ҚСБ томонидан тегишли тартибда суриштирув ҳаракатлари олиб борилмоқда.
Самарқанд вилояти ИИБ ЙҲХБ ахборот хизмати.
