Коррупциянинг сабаби қаерда?

Самарқанд ҳалқаро аэропортида Самарқанд ҳарбий прокуратураси, транспортда хавфсизликни таъминлаш, вилоят адлия ҳамда ДХХ бошқармалари ходимлари, имом-хатиблар иштирокида «Коррупцияга қарши курашда маънавий ва мафкуравий иммунитетни шаклантириш омиллари» мавзусида давра суҳбати ўтказилди.

Тадбирда сўзга чиққанлар порахўрликнинг келиб чиқиш сабаблари, коррупциянинг оқибатлари, унга қарши кураш ва коррупция учун белгиланган жиноий жавобгарлик тўғрисида фикр билдиришди.
Йиғилиш қатнашчилари коррупциянинг олдини олиш бўйича таклиф ва мулоҳазаларини баён этиб, саволлар билан иштирокчиларга мурожаат қилди ва керакли тушунчалар олишди.