Магистратурага кириш имтиҳонлари натижалари бугун эълон қилинади

2020/2021 ўқув йилига республика олий таълим муассасаларининг магистратура мутахассисликларига кириш имтиҳонлари натижалари тегишли олий таълим муассасаларининг расмий веб-сайтларида эълон қилинади.

Республика олий таълим муассасаларининг магистратура мутахассисликларига абитуриент сифатида ҳужжат топшириб, кириш имтиҳонлари (онлайн тест синовлари)да иштирок этган абитуриентлар ўзларининг натижалари билан тегишли олий таълим муассасасининг расмий веб сайти орқали жорий йилнинг 7 октябрь куни соат 17:00 дан бошлаб танишишлари мумкин.
Олий ва ўрта махсус таълим вазирлиги талабаликка тавсия этилган абитуриентлардан тегишли олий таълим муассасаларига мурожаат қилишларини сўраган.