Март ойида ўзбекистонликлар неча кун дам олади?

Яқинлашиб келаётган март ойида календарь бўйича дам олинадиган 2 та байрам кунлари бор. Бири - Халқаро хотин-қизлар куни, иккинчиси, Наврўз умумхалқ байрами.

Жорий йилда 8 март куни ходимлар учун ҳеч қандай афзаллик бермайди. Сабаби у якшанба кунига тўғри келади. Дунёнинг аксарият давлатларида агар байрам куни якшанба (дам олиш) кунига тўғри келиб қолса, унда кейинги кун, яъни душанба - дам олиш куни деб эълон қилинади. Аммо ҳозирча бизда бундай тартиб йўқ.

Наврўз байрамига келсак, ушбу байрам ҳам шанба кунга тўғри келган. Яъни, шундоқ ҳам ҳафтасига 5 кун ишлайдиган ходимларга шанба дам олиш куни бўлар эди. Аммо Президент Фармонига биноан 23 март – душанба куни барча ходимларга қўшимча дам олиш куни бўлади.

Бу ҳақда ҳуқуқшунос Хушнудбек Худойбердиев телеграм каналида маълум қилди.

Шундай қилиб, Наврўз байрами арафасида ўзбекистонликлар 3 кун кетма-кет дам олади:

21 март – шанба (Наврўз байрами);

22 март – якшанба (дам олиш куни);

23 март – душанба (қўшимча дам олиш куни).

Қуйидаги суратда март ойидаги иш ва дам олиш кунлари ҳақида батафсил маълумот олишингиз мумкин.