Men vatanimning yosh askariman!

Paxtachi tumani maktabgacha ta’lim bo‘limiga qarashli 5-sonli davlat maktabgacha ta’lim muassasasida Vatan himoyachilari kuniga bag‘ishlangan «Men Vatanimning yosh askariman!» deb nomlangan tadbir o‘tkazildi. Muassasa tarbiyalanuvchilarining Vatanga bo‘lgan muhabbati, uni asrash va sevish tuyg‘usi she’r, qo‘shiq, raqslar orqali ifoda etildi.

Tadbirda urush va mehnat faxriylari, tuman Mudofaa ishlari bo‘limi vakillari, maktabgacha ta’lim muassasasi xodimlari, ota-onalar ishtirok etdi.

M.ACHILOVA, Paxtachi tumanidagi maktabgacha ta’lim muassasasi tarbiyachisi.