Оқдарёда замонавий корхона фаолият бошлади

Оқдарё туманида "Afrasiab jeans textile"  корхонаси иш фаолиятини бошлади. Шу муносабат билан ташкил этилган тадбирда Самарқанд вилояти ҳокими Э.Турдимов ҳамда кенг жамоатчилик вакиллари иштирок этди.

Жинси матоҳлари ва тайёр маҳсулотлар ишлаб чиқаришга ихтисослашган мазкур корхонани қуриб, ишга тушириш учун 40 миллион АҚШ доллари миқдорида маблағ сарфланди.

Бир йилда 22 миллион пагонометр маҳсулот ишлаб чиқариш қувватига эга корхонада айни пайтда 1100 нафар маҳаллий аҳоли муқим иш билан таъминланган.

Бахтиёр Мустанов.