Ўзбекистон ТИВ Покистоннинг Бажаур ҳудудидаги терактни қоралади

Ўзбекистон Ташқи ишлар вазири Бахтиёр Саидов мазкур воқеани "террорчилик ҳужуми" деб атади ва жабрланганларнинг оила аъзоларига ҳамдардлик билдирди:

"Покистоннинг Бажаур ҳудудидаги сиёсий қурултойда содир бўлган террорчилик ҳужуми оқибатида кўплаб инсонлар ҳалок бўлганидан чуқур қайғудамиз. Қурбонларнинг оила аъзолари ва яқинларига ўз ҳамдардлигимизни билдирамиз. Бу оғир дамларда биродар Покистон билан биргамиз".

Маълумот учун: Покистоннинг Хайбер-Пахтунхва вилоятида содир этилган теракт оқибатида 44 киши қурбон бўлган ва 200 дан ортиқ киши жароҳатланган.