O‘zbekiston TIV Pokistonning Bajaur hududidagi teraktni qoraladi
O‘zbekiston Tashqi ishlar vaziri Baxtiyor Saidov mazkur voqeani "terrorchilik hujumi" deb atadi va jabrlanganlarning oila a’zolariga hamdardlik bildirdi:
"Pokistonning Bajaur hududidagi siyosiy qurultoyda sodir bo‘lgan terrorchilik hujumi oqibatida ko‘plab insonlar halok bo‘lganidan chuqur qayg‘udamiz. Qurbonlarning oila a’zolari va yaqinlariga o‘z hamdardligimizni bildiramiz. Bu og‘ir damlarda birodar Pokiston bilan birgamiz".
Ma’lumot uchun: Pokistonning Xayber-Paxtunxva viloyatida sodir etilgan terakt oqibatida 44 kishi qurbon bo‘lgan va 200 dan ortiq kishi jarohatlangan.
