Ўзбекистонда айрим ижтимоий тармоқлардан фойдаланиш чекланди
Ўзбекистон ҳудудида "TikTok", "Twitter" ва "ВКонтакте»" ижтимоий тармоқлар фаолияти чекланди. Бу ҳақда «Ўзкомназорат» ахборот хизмати хабар берди.
Қайд этилишича, "Шахсга доир маълумотлар тўғрисида"ги Қонуннинг 27-1-моддаси талабларига зид равишда Ўзбекистон фуқароларининг шахсга доир маълумотларига ишлов берилаётгани учун айрим ижтимоий тармоқлар 2021 йил 2 июлдан "Шахсга доир маълумотлар субъектлари ҳуқуқларини бузувчилар реестри"га киритилди ва Интернет тармоғида мазкур ресурсдан Ўзбекистон ҳудудида фойдаланиш ўрнатилган тартибда, аниқланган камчиликлар бартараф этилгунга қадар чекланди.
