Пахтачи тумани ҳокими ўзгарди
Пахтачи туманида халқ депутатлари туман Кенгашининг навбатдан ташқари сессияси ўтказилди.
Унда Самарқанд вилояти ҳокими вазифасини бажарувчи Адиз Бобоев иштирок этиб, Пахтачи туманининг ижтимоий-иқтисодий ривожлантириш борасидаги олиб борилаётган ишлар, эришилган натижалар ҳамда йўл қўйилган камчиликлар ҳақида тўхталди.
Шундан сўнг ташкилий масала кўрилди. Вилоят раҳбари Хушбоқов Қаюм Норбекович номзодини Пахтачи тумани ҳокими этиб тайинлаш таклифини билдирди. Номзод депутатлар томонидан бир овоздан маъқулланди.
Қ.Хушбоқов тайинловга қадар Самарқанд вилояти ҳокимлиги ахборот-таҳлил гуруҳи раҳбари вазифасида фаолият юритиб келаётган эди.
Адиз Бобоев янги ҳокимга туманни ижтимоий-иқтисодий ривожлантириш борасида амалга оширилиши лозим бўлган вазифаларни белгилаб берди.
