Қотиллик учун 38 йил қамоқда ўтирган британиялик озод этилди: у бегуноҳ деб топилди
Яқинда, 13 май куни официант қизни ўлдиришда айбланиб, қарийб 40 йил қамоқда ўтирган британиялик Питер Салливан озодликка чиқди. Эски иш бўйича янги далиллар пайдо бўлгандан сўнг, ҳукм аппеляция суди томонидан бекор қилинди.
21 ёшли Дайан Синдалл 1986 йилнинг август ойида Англия ғарбидаги Беркҳенд шаҳрида ишдан уйга қайтаётганда зўрланиб ўлдирилган. Ўша куни Салливан жуда маст бўлгани, қўлида лом билан кўчага чиққани ва кўп ўтмай тасодифан Дайан билан тўқнаш келгани сабабли ҳибсга олинган эди.
Сменали ишини тугатиб, уйга кетаётган қизнинг ярим йўлда машинаси бузилиб қолган ва у Салливанни учратгунга қадар ёқилғи қуйиш шохобчаси томон кетаётган эди. Бир мунча вақт ўтгач, у танаси жуда шикастланган ва фақат қисман кийинган ҳолда топилган эди.
Салливан ҳар доим ўзининг айбсизлигини айтиб келган, унинг адвокатлари эса икки марта ҳукмни бекор қилишга уринган.
Жиноят жойидан олинган намуналар номаълум босқинчига ишора қилиб, илгари аниқланмаган ДНК бўлаклари топилганидан сўнг, ўтган йили одил судловнинг мумкин бўлган хатоларини тергов қилувчи махсус комиссия (CCRC) ишни апелляция тарзида кўриб чиқиш учун қайтарган эди.
Терговчилар ДНК Буюк Британия полицияси маълумотлар базасидаги ҳеч қандай намунага мос келмаслиги, аммо ҳақиқий қотилни топиш учун барча нарсани қилишга ваъда бериб ишни қўзғатган эди.
Апелляцияда видео алоқа орқали иштирок этган Салливанга суд қарори бекор қилингани ҳақидаги хабарни айтишганда, у оғзини қўли билан ёпиб, қаттиқ йиғлаб юборди.
Ҳозирда бу Британия ҳуқуқий тарихидаги тирик маҳбус иштирокидаги энг узоқ давом этган суд йўл қўйган хатоси бўлиб, Салливан умрининг 38 йилу қарийб саккиз ойини қамоқда ўтказди, бу жами 14113 кун дегани.
Салливаннинг адвокати ўқиб берган баёнотда у судьялардан “ғазабланмаганлиги ёки хафа эмас”лигини таъкидлайди.
- Менга жуда адолатсиз муносабатда бўлишди, - дейилади баёнотда. - “Ҳақиқат эркинлик беради”, - ишонтиради ноҳақ жазоланган фуқаро.
Питер Салливан суд йиғилишидан сўнг деярли дарҳол қўйиб юборилгани хабар қилинади.
