Рамазон ҳайитининг илк куни қачон? Бу кунни аниқлаш мақсадида Шаввол ҳилоли кузатилмоқда

Ўзбекистонда таниқли уламолар ва малакали мутахассислардан иборат ишчи гуруҳ Рамазон ҳайитининг биринчи куни – Шаввол ҳилолини астрономик таҳлиллар ҳамда хорижий давлатлардаги мутахассислар билан ҳамкорлик асосида кузатиб бормоқда.
Бу ҳақда Ўзбекистон мусулмонлари идораси хабар берди.

Ушбу ишчи гуруҳ кузатиш натижаларини Ўзбекистон мусулмонлари идораси Уламолар Кенгашига тақдим этади ва Рамазон ҳайитининг биринчи куни ҳақидаги маълумотлар кенгаш томонидан кўриб чиқилиб, тегишли хулосалар қабул қилинади.