Ресторанлар фаолиятига рухсат берилишини талаб қилаётган намойишчилар Украина ҳукумати биноси олдига тўпланди
Норозилик акцияси иштирокчилари - Украина ресторанлар уюшмаси вакиллари ҳукуматдан ресторанлар фаолиятига рухсат берилишини талаб қилмоқда. Бу ҳақда “Левий берег” нашри хабар берди.
“Украина ресторанлар уюшмаси сешанба куни ресторанлар фаолиятига рухсат берилишини талаб қилиб, мамлакат ҳукумати биноси олдида норозилик намойиши ташкил этди. Намойишчилар ўзлари билан уй-рўзғор буюмлари ва “Ресторанларга бориш вақти келди”, “Биз метро ва йўловчи ташиш транспортларидан хавфсизроқмиз” каби ёзувлар ёзилган плакатлар олиб чиқишди”, деб ёзмоқда нашр.
“Суспiльне” (“Жамият”) нашри тақдим этган маълумотга кўра, намойишда 200 нафарга яқин одам иштирок этган. Орадан бир қанча вақт ўтганидан сўнг намойишчилар олдига ҳукумат вакили чиқиб, улар билан суҳбатлашган.
