Самарқанд шаҳрида Янги йил арчаси тадбирлари қайси ҳудудларда ўтказилади?

Ҳадемай 2024 йил кириб келади. Самарқандда Янги йилни кўтаринки кайфиятда қарши олиш, “Президент арчаси” тадбирларини ташкил этиш учун тайёргарлик ишлари давом этмоқда.

Самарқанд шаҳар ҳокимлиги маълумотларига кўра, жорий йил 15 декабрдан 2024 йил 10 январигача шаҳардаги саккизта ҳудудда Янги йил арчаси байрам тадбирлари ташкил этилади.

Самарқанд шаҳридаги Кўксарой майдони, Темир йўл вокзали ҳудуди, Алишер Навоий кўчаси, Сартепа ва Қорасув массивларида, шунингдек, Кимёгарлар, Сўлим ва Фарҳод шаҳарчаларида байрам арчалари ўрнатилмоқда.

Шаҳарнинг марказий кўчаларида жойлашган корхона ва ташкилотлар, савдо ва маиший хизмат кўрсатиш шохобчалари ҳам байрам руҳида безатилади. Бозорларда арзонлаштирилган савдо ярмаркалари ўтказилади.