Самарқандда электр энергиясидан ноқонуний фойдаланиш ҳолатлари миллиардлик кўрсаткичдан пасаймаяпти

Яқинда Бош прокуратура штаби томонидан Самарқанд туманида ўтказилган назорат тадбирида якка тартибдаги тадбиркор М.С.га қарашли корхона ўзбошимчалик билан тармоққа уланиб, 524,7 миллион сўмлик электр энергиясидан ноқонуний фойдаланиб келаётганлиги маълум бўлди.

Бу каби ҳолат ушбу туманда «С. А. И.» МЧЖга қарашли бинода ҳам қайд этилган. Ушбу қоидабузарлик оқибатида таъминот корхонасига 180 миллион сўмлик зарар етказилган.

Шунингдек, Булунғур туманида якка тартибдаги тадбиркор М. А.га қарашли нотурар бинода ҳам худди шундай қоидабузарлик аниқланган. Дастлабки ҳисоб-китобларга кўра, келтирилган зарар 477 миллион сўмни ташкил қилган.

Эслатиб ўтамиз, Самарқандда аввалроқ, 2,5 миллиард сўмлик электр энергияси ўғирлиги аниқланганди.

Шунингдек, Самарқандда туман электр таъминоти корхонаси раҳбари 5 минг доллар пора билан ушлангани ҳам хабар қилинганди.

Ижтимоий тармоқларда вилоятдаги эгаси йўқ дебитор қарздорлик триллион сўмга яқинлиги ҳақида айтилган.