Электр тармоқларига яна бир ноқонуний уланиш фош этилди
Аввалроқ Каттақўрғон туманидаги шунга ўхшаш ҳолат ҳақида хабар қилинганди.
Буниси Бош прокуратура ҳузуридаги Департаментнинг Жомбой туман бўлими томонидан ўтказилган терговга қадар текширувда аниқланган.
Маълумотга кўра, тумандаги масъулияти чекланган жамияти иш бошқарувчиси И.П. қуввати 12 кВт/с. бўлган сув насосини электр тармоғига яширин йўллар билан улаб олган.
Бу орқали 121,1 миллион сўмлик электр энергиясидан ноқонуний фойдаланиб келган.
Аниқланган ушбу ҳолат бўйича Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
