Самарқандда истеъмолга яроқсиз алкоголь маҳсулотлари муомалага киритилишининг олди олинди

Бош прокуратура ҳузуридаги Департаментнинг Каттақўрғон шаҳри бўлими томонидан ўтказилган терговга қадар текширувда “N.B.” МЧЖ раҳбари Н.И. “Зиёлилар” МФЙ ҳудудидаги савдо дўконида умумий баҳоси 145,3 миллион сўмлик 4 134 дона истеъмолга яроқсиз алкоголь маҳсулотларини сотувга қўйганлиги аниқланди ва маҳсулотлар ашёвий далил сифатида олинди.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) ва 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.