Самарқандда йилнинг энг яхши кутубхоначиси аниқланди
"Йилнинг энг яхши ахборот-кутубхона мутахассиси" кўрик-танловининг вилоят босқичи бўлиб ўтди.
Иштирокчилар кутубхоначилик соҳаси, АКТ ва ҳуқуқий саводхонликдан тест синовида қатнашди.
Шунингдек, кутубхоначилар китобларни тарғиб ва тавсия қилиш ҳақида видеролик яратиб, йиғилганлар эътиборига тақдим этди.
Якуний натижаларга кўра 1-ўрин вилоят ахборот-кутубхона маркази мутахассиси Насиба Мирзаевага, 2-ўрин Каттақўрғон тумани вакили Умида Ҳамраева ҳамда 3-ўрин Жомбой туманидан келган иштирокчи Инобат Бутуновага насиб этди. Танлов ғолиблари ва иштирокчиларига эсдалик совғалари топширилди.
Кўрик-танловнинг ушбу босқичи ғолиби якуний - республика босқичида вилоятимиз номидан иштирок этади.
