Samarqandda yilning eng yaxshi kutubxonachisi aniqlandi

"Yilning eng yaxshi axborot-kutubxona mutaxassisi" ko‘rik-tanlovining viloyat bosqichi bo‘lib o‘tdi.

Ishtirokchilar kutubxonachilik sohasi, AKT va huquqiy savodxonlikdan test sinovida qatnashdi. 

Shuningdek, kutubxonachilar kitoblarni targ‘ib va tavsiya qilish haqida viderolik yaratib, yig‘ilganlar e’tiboriga taqdim etdi. 

Yakuniy natijalarga ko‘ra 1-o‘rin viloyat axborot-kutubxona markazi mutaxassisi Nasiba Mirzayevaga, 2-o‘rin Kattaqo‘rg‘on tumani vakili Umida Hamrayeva hamda 3-o‘rin Jomboy tumanidan kelgan ishtirokchi Inobat Butunovaga nasib etdi. Tanlov g‘oliblari va ishtirokchilariga esdalik sovg‘alari topshirildi.

Ko‘rik-tanlovning ushbu bosqichi g‘olibi yakuniy - respublika bosqichida viloyatimiz nomidan ishtirok etadi.