Самарқанддаги "Боқий шаҳар" мажмуасида ХV Тошкент халқаро кино фестивалининг ёпилиш маросими бўлиб ўтди

Тадбирда икки карра «Оскар» мукофоти соҳиби, машҳур актёр Кевин Спасей, таниқли француз актёри Сами Насери ва дунёнинг кўплаб давлатларидан келган киноижодкорлар, шунингдек, таниқли ўзбек актёрлари иштирок этмоқда.

- Самарқандда ҳам бугун бир қанча ҳужжатли ва классик фильмлар суратга олинмоқда, - дейди вилоят ҳокими ўринбосари Рустам Қобилов - Биргина Амир Темур ва темурийлар тарихига оид суратга олиниши керак бўлган ҳужжатли фильмлар кўп. Биз вилоят ҳокимлиги Киноматография агентлиги билан ҳамкорликда "Ялангтўш Баҳодир" ҳужжатли фильмини суратга олиш ишларини аллақачон бошлаб юборганмиз ва ушбу фильмни 2024 йил август ойи охирларида туҳфа қилиш ниятидамиз. Режиссёр Жаҳонгир Аҳмедов билан ҳамкорликда кино сюжетлари Тошкент ва Самарқандда тайёрланмоқда. Бугунги кинофестивалда 2 та номинация бўйича режиссёрларимизни тақдирлаяпмиз. Биринчиси "Самарқандда қовун таровати" бадиий фильми ҳисобланиб, пандемия бўлишига қарамасдан 2020-2021 йилларда тасвирга олинган. Иккинчиси «Матонат» ҳужжатли фильми бўлиб, унда  иккинчи жаҳон уруши йиллари Нидерландиядаги жангларда қатнашган самарқандлик 101 ўғлон жасади тадқиқ қилиниши акс этган.