Sudning qarori, MIBning ijrosi bilan qizaloq onasi bag‘riga qaytarildi

Fuqarolik ishlari bo‘yicha Jomboy tumanlararo sudining ijro varaqasiga asosan javobgar H.B.dan da’vogar D.B foydasiga bir nafar farzandini olib berish belgilangan.

Ular muqaddam orzu-umidlar bilan oila qurgan. O‘tgan vaqt mobaynida oilada bir nafar farzand dunyoga kelgan. Shunday ulug‘ ne’matga shukrona keltirish, farzandining komil inson etib tarbiyalash ota-onaning burchi edi. Biroq er-xotinning kelishmovchiligi tufayli oila parokanda bo‘ldi. Farzand esa ora yo‘lda qoldi. Uning tarbiyasi, salomatligiga kim qayg‘uradi?

Shunday vaziyatda ona sudga murojaat qildi. Fuqarolik ishlari bo‘yicha Jomboy tumanlararo sudi 2017 yilda tug‘ilgan Z.H.ni onasining tarbiyasiga olib berishga qaror qildi. Davlat ijrochisi tomonidan farzand onasi tarbiyasiga olib berildi.

Rustam Aliboyev,

MIB Bulung‘ur tumani bo‘limi davlat ijrochisi.