Тест синовлари: Самарқандда 6 кунда 27 нафар абитуриент имтиҳондан четлатилди

Айни кунда 2023-2024 ўқув йили учун олий таълим муассасаларига кириш тест синовлари давом этмоқда.

Бу йилги тест синовларига Самарқанд вилоятида жами 7 та бино танланган бўлиб, 91 475 нафар абитуриент имтиҳонда қатнашиш учун ҳужжат топширган.

Билим ва малакаларни баҳолаш агентлиги вилоят бўлими маълумотига кўра, 7 август кунига қадар тест синовларига 40 755 нафар абитуриент қатнашган бўлса, 3165 нафар абитуриент турли сабабларга кўра тест синовларига келмаган.

Шунингдек, бинога киришда 3 нафар, тест жараёнида 24 нафар, жами 27 нафар абитуриент имтиҳон қоидаларига риоя этмагани учун синовлардан четлатилган.

Эслатиб ўтамиз: Самарқандда тест синовлари 13 августгача (шу куни ҳам) давом этади.