Туризм ва маданий мерос халқаро университетнинг биринчи “қалдирғоч”ларига дипломлар топширилди
Хабар қилганимиздек, “Ипак йўли” туризм ва маданий мерос халқаро университетининг 109 нафар талабаси бакалаврлик ва 23 нафари магистрлик дипломларини қўлга киритди.
Назарий билимларни ўзлаштирган битирувчилар ўз кўникмаларини логистика компанияларида, ташкил этилаётган "Самарқанд туризм маркази"да, Эвент агентликларида, вилоят туризм ва маданий мерос бош бошқармасида, меҳмонхона, турли туристик ва хизмат кўрсатиш корхоналарида амалиётда қўлладилар.
Шу кунга қадар битирувчиларнинг қарийб 100 нафари ўз мутахассисликлари бўйича ишга жойлашган.
Дипломлар топшириш маросимида Ўзбекистон Республикаси Бош вазирининг ўринбосари — туризм ва маданий мерос вазири, “Ипак йўли”туризм ва маданий мерос халқаро университети ректори A.Aбдуҳакимов, Самарқанд вилояти ҳокими Эркин Турдимов иштирок этди.
