Twitter раҳбарлигига Линда Яккарино келади: у олдинги компаниясида 100 миллиард доллар даромад қилган
Бу ҳақда ўз манбааларига таяниб Wall Street Journal нашри хабар берган.
Яккарино 2011 йилдан буён NBSU компаниясида ишлайди. Бу вақт ичида унинг икки минг кишидан иборат жамоаси реклама савдосидан 100 миллиард доллардан ортиқ даромад олишга эришган.
11 май куни Тwitter эгаси Илон Маск тармоқдаги саҳифасида олти ҳафта ичида бош директор лавозимини тарк этишини маълум қилган. Шунингдек у директорликка янги номзод аллақачон топилгани ва бу аёл киши бўлишини ҳам билдирган.
