Вилоят ҳокими мукофот пулини маданий марказга ҳадя қилди
Президент фармонига асосан Ўзбекистон Республикаси давлат мустақиллигининг 28 йиллиги муносабати билан Андижон вилояти ҳокими Шуҳратбек Абдураҳмонов “Меҳнат шуҳрати” ордени билан тақдирланган эди.
Орденга қўшиб бериладиган мукофот пулини вилоят ҳокими рус миллий маданий маркази вилоят бўлимига ҳадя қилди.
«Мазкур маблағ бизга кутилмаган совға бўлди. Ундан фаолиятимиз самарадорлигини оширишда фойдаланамиз», деган марказ вилоят бўлими раҳбари Елена Бабенко.
