Андроид қурилмалар учун Zarnews.uz мобил иловаси. Юклаб олиш x

Халқаро баҳолаш: ўқувчиларнинг саводхонлиги синовдан ўтказилмоқда, натижалар қандай?

Халқ таълими соҳасини ислоҳ қилиш, жаҳон стандартлари даражасида таълим-тарбия беришнинг ҳолатини аниқлаш, ўқувчининг саводхонлигини синовдан ўтказишда «PIRLS-2021» халқаро тадқиқотларининг ўрни муҳим. Жорий йилнинг 5 апрель кунидан вилоятимиз мактабларида ушбу синовлар бошланди.

Вилоят халқ таълими бошқармаси бошлиғи З.Шодиева Иштихон туманидаги 35-умумий ўрта таълим мактабида бўлиб, синов жараёнлари билан танишди.

Эслатиб ўтамиз: халқаро «PIRLS-2021» баҳолаш дастурида Таълим соҳасидаги ютуқларни баҳолаш халқаро ассоциацияси (IEA) тасодифийлик асосида танлаб олган Самарқанддан 20 та мактаб қатнашади. Бугун Иштихон туманидаги 35-, Қўшработ туманидаги 48- ва 88-умумий ўрта таълим мактабларида 4-синф ўқувчилари ўқиш саводхонлиги бўйича кўникмаларини синовдан ўтказмоқда.

Самарқанд вилояти халқ таълими бошқармаси ахборот хизмати.