Хориж хабарлари: Россиянинг Украинадаги болалар касалхонаси ҳужуми туфайли БМТ Хавфсизлик Кенгаши чақирилди
🔹 Кеча Россия қўшинлари Киевдаги «Охматдет» миллий ихтисослаштирилган болалар касалхонасига ракета ҳужуми уюштирди. ОАВ хабарларига кўра, ҳалок бўлганлар сони 36 кишига етган, 140 дан ортиқ одам яраланган. 9 июль Киевда Мотам куни деб эълон қилинди. Ракета ҳужумидан сўнг Украина президенти Владимир Зеленский халқаро ҳамжамиятни БМТ Хавфсизлик кенгаши йиғилишини чақиришга ундади. Кенгаш йиғилиш ўтказишни бугун, 9 июлга белгилади. АҚШ, Буюк Британия, Франция, Словения ва Эквадор йиғилишга мезбонлик қилишни сўраган.
🔹 Украина дронлари 9 июлга ўтар кечаси Россиянинг олти вилоятига ҳужум қилди. Фролово шаҳридаги кичик станция ва Калач-на-Дон шаҳридаги нефть базаларида ёнғинлар содир бўлди. Қурбон ва жароҳатланганлар йўқ.
🔹 Сўнгги бир неча кун ичида Исроилнинг шимолий чегараларидаги воқеалар шундай ривожландики, экспертлар Ливан билан йирик уруш энди шунчаки эҳтимол эмас, балки муқаррар деб ҳисобламоқда. Шу ҳафта Ҳизбуллоҳ Ливан жанубидаги Исроил ҳужуми натижасида юқори мартабали қўмондонларидан бири Муҳаммад Нима Носир ҳалок бўлганини маълум қилди. Бунга жавобан бир кун ичида Исроилга 200 га яқин ракета ва портловчи моддалар ўрнатилган учувчисиз самолётлар учирилди.
🔹 Грузиянинг Европа Иттифоқига қўшилиш жараёни тўхтатилди. Европа Иттифоқи давлатни мудофаа соҳасида қўллаб-қувватлаш учун мўлжалланган 30 миллион еврони музлатишга қарор қилган. Грузиянинг Европа Иттифоқига қўшилиши тўхтатилишига мамлакатда демократик стандартлар ва қонун устуворлигига риоя этилишига шубҳа сабаб бўлган. Қўшилиш жараёнининг тўхтатилиши ва молиявий ёрдамнинг қисқариши Грузия ва ЕИ ўртасидаги муносабатларга сезиларли таъсир кўрсатиши мумкин.
🔹 Россиянинг яна бир минтақаси - Шимолий Осетия муфтияти ниқоб кийишдан бош тортишни тавсия қилмоқда. Жамоат хавфсизлиги нуқтаи назаридан уларни тақиқлаш ислом кенг тарқалган бошқа мамлакатларда ҳам айтилмоқда.
🔹 Дунёнинг энг йирик электромобиль ишлаб чиқарувчиси Хитойнинг BYD компанияси Туркияда йилига 150 минг электромобиль ва гибрид ишлаб чиқариш қувватига эга завод қуришга келишиб олди.
🔹 Оқ уй матбуот котиби АҚШ президенти Жо Байденнинг тиббий текширувлари чоғида унда Паркинсон касаллиги белгилари топилмаган. 8 июль куни Байден ўзини Демократик партиядан президентликка энг яхши номзод деб билишини, ҳомийлари ва ўз партияси босимига қарамай, таслим бўлмаслигини айтди.
🔹 Шимолий Американинг энг йирик музликларидан бири – Жунонинг эриши тезлашмоқда ва қайтарилмас нуқтага етиши мумкин. Олимлар сунъий йўлдош маълумотлари ва фотосуратларидан фойдаланган ҳолда муз йўқотилишини ўлчашди. Музликларнинг эриши 1979 йилдан кейин ва 2010 йилда тезлашган ва 2015 йилдан 2019 йилгача музликлар 1990 йилларга қараганда беш баравар тезроқ қисқарган.
