Янги йил дам олиш кунларида дунё бўйича COVID-19 ва омикрон сабабли дунёда 4 мингдан ортиқ рейслар бекор қилинди

Парвозларни кузатувчи FlightAware веб-сайти маълумотларига кўра, Янги йил байрами арафасидаги дам олиш кунларида коронавирус билан касалланиш ҳолатлари кўпайиши ва омикрон штаммининг тарқалиши сабабли дунё авиакомпаниялари томонидан 4,3 мингдан ортиқ рейслар бекор қилинди.

31 декабрь кунининг ўзида, одатда байрам рейсларининг энг юқори чўққисига тўғри келган бир пайтда, бу йил дунё бўйлаб 2,3 мингдан ортиқ рейслар бекор қилинмоқда.