Японияда тарихда биринчи марта электр тақчиллиги ҳақида огоҳлантириш берилди: мамлакатда табиий офатлар рўй бермоқда

Ўтган ҳафта рўй берган зилзила оқибатида бир нечта электр станцияси ёпиб қўйилгач мамлакат электр таъминоти тақчиллиги ҳақида биринчи марта огоҳлантирди. Вазият Tokyo Electric Power Co ишига таъсир этган техник муаммолар билан янада жиддийлашмоқда.

Чоршанба куни Япониянинг шимоли-шарқида содир бўлган 7,4 магнитудали зилзила ускуналарни вайрон қилди ва олтита иссиқлик электр станциясини ёпилишига сабаб бўлди. Саноат вазири Коити Хагиуда парламентга ушбу заводлар ишлай бошлаши учун ҳафталар ёки ойлар кетиши мумкинлигини айтди.

Япония Иқтисодиёт, савдо ва саноат вазирлиги Tokyo Electric (Tepco) и Tohoku Electric Power Co компаниялари хизмат кўрсатадиган ҳудудларни қор ёғиши ва ҳарорат тушиб кетиши туфайли иситиш воситаларига талаб ортиши ҳақида огоҳлантирди ва фуқароларни энергия сарфини тежашга чақирди.