Ярмаркада 19 та корхона арзон нархда 6100 донадан ортиқ тайёр маҳсулот сотди
Самарқанд шаҳри куни муносабати билан ташкил этилган саноат кўргазмасида шаҳарда фаолият юритаётган 5 та, Ургут туманидаги 10 та, Паст Дарғом, Оқдарё туманларидан биттадан ва Жомбой туманидан иккита корхона томонидан 15 турга яқин маҳсулотлар келтирилди. Жумладан, ярмаркада болалар спорт оёқ кийимлари, гилам, трикотаж маҳсулотлар, чарм-пойабзал, электр лампаларга қизиқиш юқори бўлди.
Ярмаркада ўз маҳсулотлари билан иштирок этган 19 та корхона томонидан 6100 донадан ортиқ тайёр маҳсулотлар бозор нархидан 15-20 фоиз арзон нархларда аҳолига сотилди.
Вилоят иқтисодий тараққиёт ва камбағалликни қисқартириш бош бошқармаси ахборот хизмати.
