7 oyda eng ko‘p qaysi avtomobil ishlab chiqarildi?

O‘zbekistonda 7 oyda jami 44 901 dona “Cobalt” avtomobili ishlab chiqarildi. Bu o‘tgan yilning shu davriga nisbatan 149,7 % o‘sish sur’atiga ega bo‘ldi.
Eslatib o‘tamiz, iyul oyida 7219 dona “Cobalt” avtomobili ishlab chiqarilgan bo‘lib, bu ko‘rsatkich o‘tgan oyga nisbatan 338 taga kam.

Davlat statistika qo‘mitasi ma’lumotlariga ko‘ra, avtomobil ishlab chiqarish sanoatida 2020 yilning yanvar-iyul oylarida 44 901 dona “Cobalt” (o‘tgan yilning mos davriga nisbatan 149,7 %), 41 663 dona “Nexia T-250” (96,6 %), 30 368 dona “Lacetti-Gentra” (124,5 %), 30 889 dona “Damas” (111,7 %), 16 370 dona “Spark” (138,9 %) hamda 4 520 dona “Labo“ (101,9 %) avtomobillari ishlab chiqarildi.