AI-95 markali benzin arzonlashadi
«O‘zbekneftgaz» AJ "UNG" milliy brendi ostidagi yoqilg‘i quyish shoxobchalari tarmog‘i orqali sotilayotgan neft mahsulotlarining narxini arzonlashtirish bosqichma-bosqich amalga oshirilmoqda.
10 noyabrdan boshlab ushbu AYoQShlardagi import qilingan AI-95 narxi 6600 so‘mdan 6300 so‘mga arzonlashtiriladi.
“Bizning korxona bozor munosabatlariga to‘liq amal qiladi. Mahsulot tannarxi pasaysa, uni sotish narxi ham albatta, kamaytiriladi. Bundan keyin ham bu amaliyot davom ettiriladi”, deydi «UNG Petro» korxonasi direktori Mirzohid Musayev.
AYoQShlarda sotilayotgan mahsulot turlari, ularning narxlari hamda joylashgan manzillari haqida to‘liq va aniq ma’lumotlarni @UNG_Petro_Bot telegram kanali orqali olishingiz mumkin.
