"Ayollar daftari"dagi 4 mingdan ziyod xotin-qizlarga 38 milliard so‘mdan ko‘proq kredit ajratilgan

2023 yilda amalga oshirilgan bu amaliyotda ishlab chiqarish faoliyatini rivojlantirishda ishtirok etgan 422 nafar xotin-qizlarga moliyaviy ko‘mak berilgan (4 milliard 263 million so‘m).

Keyingi katta raqam tikuvchilik yo‘nalishida bo‘lgan: 2284 kishiga 14 milliard 823 million so‘m.

Ma’lumotlardan "Ayollar daftari"dagi 153 xotin-qizga non mahsulotlari uchun 962 million so‘m kredit ajratilganini ham ko‘rish mumkin.

Umuman, ro‘yxatga olingan xotin-qizlarga 31 yo‘nalishda kredit ajratilgan. Bu ish Xalq, Agro va Mikrokredit bankida amalga oshirilgan.

Darvoqe, kosmetologiya (2 nafar), zardo‘zlik (3 nafar), limonchilik (3 nafar), kimyoviy tozalash - uyda (3 nafar) va ko‘rpa tikish (4 nafar) yo‘nalishlaridagi moliyaviy yordamdan boshqalarga nisbatan kamroq foydalanilgan.