Bokudan Samarqandga aviareyslar yo‘lga qo‘yilmoqda

Joriy yilning oktyabr oyidan boshlab Ozarbayjonning “AZAL” milliy aviatashuvchisi Bokudan Samarqand shahriga parvozlarni amalga oshirishni rejalashtirmoqda.

Ma’lum qilinishicha, Samarqandga parvozlar haftasiga ikki marta – seshanba va juma kunlari amalga oshiriladi.

Shuningdek, Ozarbayjon Havo Yo‘llari “Boku-Toshkent-Boku” yo‘nalishi bo‘yicha parvozlarni haftasiga 5 martagacha oshiradi.

Hozirda ikki poytaxt o‘rtasida muntazam qatnovlar dushanba, chorshanba va shanba kunlari amalga oshirilmoqda, tez orada payshanba va yakshanba kunlari ham amalga oshiriladi.

Yaqin kunlarda aviakompaniyaning rasmiy sayti: www.azal.az da aviachiptalar savdosining ochilishi kutilmoqda.

Ushbu reyslarda tashish uchun belgilangan transport shartlariga javob beradigan va mavjud epidemiologik cheklovlar bo‘yicha parvozga ruxsat berilgan yo‘lovchilar qabul qilinadi.