Buxorodagi avtomobillarga yoqilg‘i quyish shoxobchasida yong‘in sodir bo‘ldi
Kecha, 19 iyun kuni soat 11:00 da Buxoro shahri Ibn Sino ko‘chasida joylashgan “Registon” MChJga qarashli 149-sonli AYoQShda yong‘in sodir bo‘layotgani haqida Buxoro viloyati YoXB Kuch va vositalarini boshqarish va muvofiqlashtirish markaziga xabar kelib tushgan.
O‘zbekiston Respublikasi FVV YoXBB OAV bilan hamkorlik qilish bo‘linmasi xabariga ko‘ra, yong‘inni bartaraf etishga 4 ta yong‘in o‘chirish avtoekipaji jalb etilgan.
Bo‘linmalar voqea joyiga yetib borguniga qadar yong‘in ishchi-xizmatchilar tomonidan shoxobchadagi mavjud yong‘inni o‘chirishning birlamchi vositalari bilan bartaraf etilgan va alanga keng maydonga tarqalib ketishining oldi olingan. Tan jarohati olgan va halok bo‘lganlar yo‘q.
Yong‘in oqibatida AYoQShning 6 kv.m maydonda shift qismi va 3-kalonkasi yonib zararlangan. Yong‘inni kelib chiqish sababi va moddiy zarar miqdori aniqlanmoqda.
