Feruza - xalqaro onlayn olimpiada g‘olibi
Bugun o‘quvchilarimiz uyda qolib, televizion darslarga o‘z vaqtida qatnashib, vaqtini mazmunli o‘tkazmoqda. Ular orasida ayni paytda turli onlayn tanlovlarda faol ishtirok etib, o‘z bilimini sinovdan o‘tkazayotganlari ham ko‘p.
Jumladan, Payarik tumanidagi 6-umumiy o‘rta ta’lim maktabi 9-sinf o‘quvchisi Feruza Abdusattorova "Ingliz tili bilimdonlari" 4-Xalqaro onlayn olimpiadasida muvaffaqiyatli ishtirok etdi.
Unga xalqaro onlayn olimpiadasi tashkilotchilaridan biri - Buyuk Britaniyaning Kembrij universiteti tomonidan "Skyteach and Cambridge Assessment English" Xalqaro sertifikati onlayn tarzda taqdim etildi.
Samarqand viloyati xalq ta’limi boshqarmasi axborot xizmati
