Hasanboy Do‘smatov, Iqboljon Xoldorov, Rustam To‘laganov, Bobousmon Baturov... Samarqandda ringga chiqadi

Mazkur chempionatda respublikamizning barcha viloyatidan 300 nafarga yaqin charm qo‘lqop ustasi ishtirok etmoqda.

Chempionatning tantanali ochilish marosimida Samarqand viloyati hokimining o‘rinbosari R.Qobilov, boks bo‘yicha O‘zbekiston terma jamoasi bosh murabbiyi M.Qurbonov, Samarqand viloyat jismoniy tarbiya va sport boshqarmasi boshlig‘i Sh.Ro‘ziyev so‘zga chiqib, barcha ishtirokchilarga omad tiladi.

Musobaqada Hasanboy Do‘smatov, Iqboljon Xoldorov, Rustam To‘laganov, Bobousmon Baturov, Miraziz Mirzaxalilov singari nomdor bokschilar ham g‘oliblik uchun ringga chiqadi.

Bahslar 8 ta vazn toifasida (-52, -57, -63, -69, -75, -81, -91, va +91 kg) o‘tkazilmoqda.