Jomboyning eng faol tadbirkorlari aniqlandi
“Tashabbus-2019” ko‘rik-tanlovining Jomboy tuman bosqichida 80 dan ortiq tadbirkor, fermer va hunarmand beshta yo‘nalish bo‘yicha ishtirok etdi.
– Qirq gektardan ortiq maydonda ko‘p tarmoqli fermer xo‘jaligini tashkil etdik, – deydi “Unumdor qo‘riq yerlari” fermer xo‘jaligi raisi Rasul Karimov. – G‘alla-sabzovotchilikdan tashqari, chorvachilik, bog‘dorchilik, muzlatkich, issiqxona tarmog‘ini yo‘lga qo‘yganmiz. Xo‘jaligimizda yetishtirilgan 50 turdan ortiq mahsulot bilan qatnashib, “Yilning eng yaxshi fermeri” yo‘nalishida g‘olib bo‘ldim. Kelgusida mahsulotlar turini yanada kengaytirish, yangi ish o‘rinlarini yaratish niyatidamiz.
Shuningdek,
“Artek international” korxonasi “Sanoat sohasida yilning eng yaxshi tadbirkori”;
“Unumdor qo‘riq yerlari” fermer xo‘jaligi “Yilning eng yaxshi fermeri”;
“Best Resul” nodavlat maktabga tayyorlash muassasasi “Xizmat ko‘rsatish sohasida yilning eng yaxshi tadbirkori”;
Elyor Umarov yakka tartibdagi tadbirkor “Yilning eng yaxshi hunarmandi”;
Aziz Abdullayev “Yilning eng yaxshi yosh tadbirkori” nominatsiyalarida tumanda g‘oliblikni qo‘lga kiritib, viloyat bosqichiga yo‘llanma oldi.
O‘z muxbirimiz.
