Maktab shahodatnoma va attestatlari uch tilda beriladi

9- va 11-sinf bitiruvchilariga beriladigan shahodatnoma va attestatlarning hamda imkoniyati cheklangan bolalar uchun ixtisoslashtirilgan maktab-internatlari bitiruvchilariga beriladigan sertifikatning yangi namunasi beriladi, deb yozmoqda minbar.uz.

- Shahodatnoma va attestatga bitiruvchining familiyasi, ismi, bitirgan maktabi, o‘qigan fanlari bo‘yicha o‘zlashtirgan baholari bundan buyon kompyuterda uch tilda (o‘zbek, rus, ingliz) yozilib, maxsus printerda chop etiladi. Avvallari bu xujjatlar qo‘lda faqat o‘zbek tilida yozilgan.

- Maktab bitiruvchilariga shahodatnoma va attestat berishda elektron tizim joriy etiladi.

- Elektron tizimga bitiruvchilar haqidagi ma’lumot va baholar kiritib boriladi.

- Maxsus muhofazalangan qog‘ozda chop etiladigan shahodatnoma va attestatning orqa qismida QR-kod joylashtiriladi. O‘sha kod orqali bitiruvchi haqida umumiy bazadan ma’lumot olish mumkin.

- Ilk marotaba xususiy maktab bitiruvchilariga ham davlat namunasidagi shahodatnoma va attestatlar beriladi.

-Dublikat shahodatnoma va attestat olish soddalashtirilishi ko‘zda tutilgan.