Nexia R3 Qozog‘istonda eng ko‘p sotilgan yengil avtomobil bo‘ldi
Qozog‘istonda eng ko‘p sotilgan avtomobillar Top-10 reytingida Ravon Nexia R3 avtomobili yetakchilik qildi – may oyida mamlakatda 1007 dona model sotilgan. Bu haqda «O‘zavtosanoat» AJ axborot xizmati ma’lum qildi.
Tahlilchilarning ma’lumotlariga ko‘ra, Qozog‘iston avtomobil bozorida savdo 2019 yilning shu davri bilan taqqoslaganda 6 foiz o‘sgan. O‘tgan yili Qozog‘istonda 3 536 dona Ravon Nexia R3 sotilgan.
Bundan tashqari, Ravon markasi Qozog‘iston bozorida yetakchilik qilayotgan TOP-5 brendlar ro‘yxatiga kirgan.
Eslatib o‘tamiz, joriy yilning mart oyidan buyon UzAutoMotors Qozog‘istonda avtomobillarni Chevrolet brendi ostida sotishni boshladi.
