Osiyo o‘yinlari: Hasanboy va Abdumalik yarim finalga yo‘l oldi
Bugun, 3 oktyabr kuni Osiyo o‘yinlarining o‘ninchi kun bahslari bo‘lib o‘tmoqda.
Boks bo‘yicha erkaklar terma jamoasi g‘alabali yurishini davom ettirmoqda. -51 kg vazn toifasida ishtirok etayotgan hamyurtimiz Hasanboy Do‘smatov chorak finalda pokistonlik Zohayb Rashidni 5:0 hisobida mag‘lub etdi va yarim finalga yo‘l oldi. Endi u yarim finalda yaponiyalik Tomoya Suboiga qarshi ringga ko‘tariladi.
Yana bir yarim final bahsida 57 kg vazn toifasida ringa ko‘tarilgan hamyurtimiz Abdumalik Halakovga filippinlik Karlo Paalam raqiblik qildi.
Abdumalik ham raqibini 5:0 hisobida mag‘lub qilib, yarim final yo‘llanmasi va bronza medalini naqd qildi. Endi Halakovga navbatdagi raqib KXDR vakili bo‘ladi.
