Prezident davlat xavfsizlik xizmati vakolatlari belgilandi

2019 yil 5 sentyabrdagi O‘zbekiston Respublikasining “Xavfsizlik va mudofaa sohasidagi qonun hujjatlari takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonun bilan qonun hujjatlariga tegishli o‘zgartirishlar kiritildi, deb yozadi Norma.

Prezident davlat xavfsizlik xizmatiga (PDXX) yurituvi unga taalluqli bo‘lgan ishlar bo‘yicha tergovoldi tekshiruvlarini hamda jinoyat belgilarini va ularni sodir etgan shaxslarni aniqlash uchun tezkor-qidiruv tadbirlarini o‘tkazish, jinoyat ishi bo‘yicha dalil sifatida foydalanilishi mumkin bo‘lgan ma’lumotlarni aniqlash huquqi berildi. Xizmat xodimlari guvoh sifatida ishtirok eta olmaydilar. PDXX harbiy xizmatchilari tomonidan sodir etilgan jinoyatlar to‘g‘risidagi ishlar harbiy sudlarda ko‘riladi.

Ushbu organning terrorizmga qarshi kurashish va huquqbuzarliklar profilaktikasi sohasidagi vakolatlari belgilandi:

terrorizmga qarshi kurashish sohasida huquqbuzarliklar profilaktikasi sohasida
  • Prezident, uning oila a’zolari, shuningdek O‘zbekistonda bo‘lgan davrda qo‘riqlanishi lozim bo‘lgan chet davlatlar va hukumatlar boshliqlarining, xalqaro tashkilotlar rahbarlarining va boshqa shaxslarning xavfsizligini hamda shaxsiy daxlsizligini ta’minlaydi;
  • qo‘riqlanuvchi shaxslarning doimiy va vaqtinchalik tashrif buyuradigan joylari, shuningdek harakatlanish yo‘nalishlari xavfsizligini ta’minlaydi;
•       qonun hujjatlariga muvofiq boshqa                      vakolatlarni amalga oshiradi
  • huquqbuzarliklar profilaktikasiga doir davlat dasturlarini ishlab chiqish va amalga oshirishda ishtirok etadi;
  • huquqbuzarliklar profilaktikasini amalga oshiradi, shu jumladan huquqbuzarliklarning sodir etilishi sabablarini va ularga imkon berayotgan shart-sharoitlarni aniqlaydi, bartaraf etadi;
  • qo‘riqlanuvchi shaxslarning manfaatlari, xavfsizligi va daxlsizligiga qarshi huquqbuzarliklar sodir etishga moyil bo‘lgan shaxslarning hisobini yuritadi;
  • huquqbuzarliklar profilaktikasini bevosita amalga oshiruvchi va unda ishtirok etuvchi boshqa organlar hamda muassasalar bilan hamkorlik qiladi;
•qonun hujjatlariga muvofiq boshqa vakolatlarni amalga oshiradi

PDXX binolarining old tomonida, majlislar zalida va uning raisining xizmat xonasida davlat bayrog‘i o‘rnatiladi va davlat gerbi joylashtiriladi. Rasmiy davlat ramzlari PDXX organlarining muhrlariga va hujjatlarining blankalariga tushiriladi.

Xizmat davlat mukofotlariga tavsiya etadi, uning raisi esa Prezident nomidan ularni topshiradi.

PDXXning harbiy yuklarini bojxonada rasmiylashtirganlik uchun yig‘imni to‘lashdan ozod etiladi.

Qonun “Qonun hujjatlari ma’lumotlari milliy bazasi”da e’lon qilingan va 5.09.2019 yildan kuchga kirdi.

Teglar:
Kanalga qo'shiling   So'nggi yangiliklar telegram kanalimizda  

So'nggi yangiliklar