Samarqandda o‘q-dori sotgan shaxs qo‘lga olindi
Joriy yilning 3 sentyabr kuni Samarqand shahri bo‘yicha IIO FMB 5-IIB JQB xodimlari tomonidan tezkor tadbir o‘tkazildi.
Tadbirda Samarqand shahar Amir Temur ko‘chasida yashovchi, 1976 yilda tug‘ilgan O.T., O‘. ismli shaxsga ikki dona 16 kalibrli va ikki dona 12 kalibrli o‘q-dori (patron)larni 100 AQSh dollariga qonunga xilof ravishda sotgan vaqtida qo‘lga olindi, deb xabar berdi Samarqand viloyati IIB axborot xizmati.
Holat yuzasidan Jinoyat kodeksining 248-moddasi 3-qismi bilan jinoyat ishi qo‘zg‘atilib, tergov harakatlari olib borilmoqda.
