Oqdaryoda uyida to‘pponcha saqlayotgan shaxslar aniqlandi
Olingan tezkor ma’lumotlarga asosan, Samarqand viloyat IIB Tezkor-qidiruv xizmati va DXX viloyat boshqarmasi xodimlari hamkorligida Oqdaryo tumani hududida tezkor tadbirlar o‘tkazilgan.
Tumanning «Mustaqillik» mahallasida yashovchi X.S. uyida noqonuniy ravishda pnevmatik to‘pponcha, tumanning «Pichoqchi» mahallasida yashovchi Q.B. esa IJ-40 pnevmatik qurolini saqlab kelayotganligi aniqlanib, tegishli tartibda hujjatlashtirib olingan.
Mazkur holatlar yuzasidan tergovga qadar tekshiruv harakatlari olib borilmoqda, deya xabar bermoqda viloyat IIB.
