Samarqanddagi xonadonlardan 8 ta qurol va 27 dona o‘tkir tig‘li pichoq chiqdi
Joriy yilning 14 mart kunidan 18 mart kuniga qadar Samarqand viloyatida tezkor-kriminogen vaziyat barqarorligini ta’minlash maqsadida keng qamrovli tezkor-profilaktik tadbirlar o‘tkazildi.
Respublika ishchi guruhi mas’ul xodimlari va huquqni muhofaza qiluvchi organlar bilan hamkorlikda jami 357 nafar shaxslarning xonadonlari ko‘zdan kechirildi, deb xabar bermoqda Samarqand viloyati IIB axborot xizmati.
O‘tkazilgan tadbirlar davomida 244 nafar shaxslardan:
2 dona “Gazoviy” pistolet;
3 dona “Pnevmatik” qurol;
1 dona “O‘q otar ov quroli”;
2 dona “O‘q otar ov qurolining qo‘ndoq” qismi;
62 dona “Patron”;
63 dona pirotexnika vositalari;
12 dona turli xildagi “bita”lar;
27 dona o‘tkir tig‘li pichoqlar rasmiylashtirilib olindi.
