Samarqandda to‘rt viloyatning sport murabbiylari o‘qitiladi
Viloyatimizda jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirish markazining Samarqand hududiy filiali ish boshladi.
Samarqand shahridagi ijtimoiy-iqtisodiy kasb-hunar kollejida faoliyat boshlagan ushbu filialda yiliga Surxondaryo, Qashqadaryo, Navoiy hamda viloyatimiz ta’lim muassasalarida faoliyat yuritayotgan 2,5 ming nafarga yaqin jismoniy tarbiya va sport mutaxassislarining kasbiy malakasini oshirish rejalashtirilgan.
Ayni paytda 60 nafar sport turlari bo‘yicha o‘qituvchilar, murabbiylar birinchi davra dars mashg‘ulotlarini o‘tashga kirishdi.
