Sportchilar ko‘chat o‘tqazdi

“Yashil makon” umummilliy loyihasi doirasida Sportni rivojlantirish vazirligi tashabbusi bilan respublika bo‘ylab “Tabiat uchun birlashaylik!” shiori ostida mevali, manzarali va buta ko‘chatlarini ekish bo‘yicha ommaviy fleshmob-tadbiriga start berildi.

Bugun tadbir doirasida Samarqand shahridagi oliy sport mahorati institutida Sportni rivojlantirish vaziri A.Ikromov boshchiligidagi sport sohasi xodimlari, faxriylar va sportchilar mevali, manzarali daraxt ko‘chatlari ekdi.

Aksiya doirasida Samarqanddagi 31 ta ta’lim muassasasida 4 ming tua, respublika bo‘yicha 56 ming tup mevali va manzarali ko‘chatlar o‘tqaziladi.